Денеска на банкарските сметки на граѓаните кои во ноември пред две години ја купија државната граѓанска обврзница ќе им бидат исплатени вложените пари заедно со камата.
Министерството за финансии соопшти дека се исплаќа вкупно 17,6 милиони евра основица, како и камата во износ од 880.000 евра.
Граѓанската обврзница како финансиски инструмент за поддршка на буџетот беше воведена во 2023 година и претставуваше нов модел за вклучување на јавноста во државните финансии преку заштеда и инвестирање. Од тогаш досега се издадени две емисии обврзници, во вкупна вредност од 41,1 милион евра.
Од Министерството најавуваат дека е веќе во подготовка трета емисија на граѓански обврзници.
