Грејпфрутот, иако здрав за многумина, може да биде опасен – дури и смртоносен – кога се комбинира со лекови за срце, висок притисок, депресија, канцер или антибиотици. Истражување од Универзитетот во Онтарио открива дека ова овошје содржи соединенија наречени фуранокумарини, кои го попречуваат нормалното разградување на лековите во телото. Ова може да доведе до тројно повисока концентрација на лекот во крвта, со токсични последици.
Д-р Дејвид Бејли вели дека една таблетка со сок од грејпфрут може да делува како десет таблети со вода. И не е само грејпфрутот проблем – и лиметата и севиљските портокали имаат сличен ефект. Особено ризично е ако сокот се консумира неколку часа пред или по земањето на лекот.
Пример од друго истражување покажал дека три дена по ред со само 200 мл сок од грејпфрут, концентрацијата на симвастатин (лек за холестерол) се зголемила за 330%. Затоа експертите повикуваат на повисока свест – бидејќи многу пациенти и лекари не се свесни за ваквите интеракции кои тивко можат да доведат до сериозни здравствени проблеми.
