Драматични сцени кружат на социјалните мрежи X од денешниот жесток ракетен напад врз Тел Авив. На видеото се гледаат десетици проектили и пресретнувачи како ја пресекуваат атмосферата пред да паднат над густо населениот град, создавајќи силни експлозии и облаци густ чад.
Станува збор за балистички напад во услови на максимална ескалација на конфликтот на Блискиот Исток. Сирените за воздушна опасност се активирани, додека противракетната одбрана „Железна купола“ реагира со ограничена ефикасност над централниот дел на Израел.
Иако на социјалните мрежи се шират тврдења дека „Израел гори“, експертите предупредуваат дека сцените се сериозни, но можеби преувеличени. Сепак, видеото јасно ја прикажува драмата и стравот што граѓаните го доживеале за време на ракетниот дожд.
