Штипската јавност е згрозена по веста за грозоморно насилство врз немоќно дете, кое се случило зад затворени врати во семеен дом во градот. Полицијата по детална истрага поднесе кривична пријава против 19-годишниот А.Л. од Штип, под сомнение дека извршил брутално физичко насилство врз малолетник.
Шокантните детали откриваат дека инцидентот се случил на 10 март, кога младиот штипјанец физички го нападнал сопствениот внук од неговата сестра. Наместо заштита и семејна топлина, детето се соочило со удари и насилство од страна на својот близок роднина, што предизвика силни реакции кај надлежните институции.
СВР Штип веќе ги комплетираше материјалите за случајот, а против 19-годишникот е покрената постапка за насилство врз дете. Овој случај повторно ја отвора болната тема за семејното насилство и безбедноста на малолетниците во средината каде што треба да бидат најсигурни. Додека правдата ја презема работата во свои раце, граѓаните бараат најстрога казна за насилникот кој кренал рака на сопствената крв. Истрагата треба да покаже што му претходело на овој срамен чин кој ја потресе македонската јавност.
