Тешка сообраќајна несреќа се случи денеска во белградската населба Бањица, кога автомобил марка „Голф“ удрил во група пешаци. Според неофицијални информации, две жени се повредени и итно пренесени во болница.
Несреќата се случила околу 12:30 часот на улицата Бахтијара Вагабзаде. Очевидци тврдат дека автомобилот се движел со голема брзина, а ситуацијата била исклучително драматична. Една сведочкиња ја опиша сцената со шок:
„Возачот беше млад и автомобилот возеше многу брзо. Другиот автомобил се обиде да сврти, но ‘Голфот’ продолжи право кон нас. Јас успеав да избегнам, но една жена беше удрена и остана заробена под возилото“, изјави таа.
На местото на инцидентот пристигнаа екипи на Итната помош, полицијата и припадници на војската, бидејќи автомобилот удрил и во оградата на воен објект.
Според сведоштво на совозачот од „Голфот“, несреќата започнала кога друг автомобил направил полукружно свртување:
„Мислевме дека ќе успееме да поминеме, но возилото излета од коловозот. Удривме во тротоарот, а две жени беа повредени. Возачот што свртел избегал“, изјавил младиот човек.
Истражните органи работат на целосно утврдување на причините за несреќата, а полицијата трага по возачот кој наводно ја предизвикал ситуацијата и избегал од местото на настанот
